اهم اسئلة الانترفيو واجاباتها
كلمنا عن نفسك ؟ قولنا حاجة عن نفسك ؟ عرفنا انتا مين ؟
2-ايه خبراتك السابقة او اخر عمل ليك ؟؟ واستفدت منه ايه ؟ سبته ليه لو كنت سبت الشغل ؟
3-تعرف ايه عن شركتنا ؟
4-ليه عايز تبقا مضيف جوى؟
5-تفتكر ايه اللى يخلينى اعينك كمضيف جوى و= ايه مؤهلات المضيف الجوى ؟
6-قولى صفتين مش موجودين فيك = ايه عيوبك = صفتين بتتمنى لو كانوا فيك ؟
7-قولى موقف صعب واجهته ف حياتك او عملك وقدرت تحله ازاى ؟
8-ليه اخترت شركتنا بالذات ؟
9-اسئلة من داخل السى فى بتاعك زى ايه هواياتك ؟
10-هاتعمل ايه ف دراستك او شغلك لو اتقبلت ؟
11-هاتعمل ايه لو ما تقبلتش ف شركتنا ؟
12شايف نفسك ازاى بعد 5 سنين ؟
فى اسئلة من النوع الاستفزازى واتسألت كتر ف ايجبت اير والسعودية :
13-انتا ليه شكلك زعلان ؟ انتا متوتر ليه ؟
14-يكلمك بطريقة وحشة او مستفزة او يقول انك اترفدت ؟
15-لو
انتا من برة المدينة اللى فيها الانترفيو يقولك المسافة اللى انتا جيتها
قد ايه ؟ وركبت ايه عشان تيجى ؟ جاى لوحدك ولا معاك حد ؟
16-البنات بتتسال عن الحجاب لو قلتلك اقلعيه او سياسة الشركة طلبت منك تخلعى الحجاب ؟
17-تقدر تعيش برة بلدك او عندك مشكلة ف الانتقال ؟
18- متوقع مرتبك يكون كام او مرتبك ف شغلك السابق كان كام او يقولك مرتب قليل اوى ويقولك دة اللى انتا هتاخده ف الشركة ايه رايك ؟(مهم جدا للاجابة ):*
الاسئلة اللى فوق هى هى ف اى انترفيو مش هاتخرج عنها والاختلاف بس ف طريقة
القاء السؤال خلى بالك وماترتبكش وحط ف بالك انه بيسالك لانه عايز اجابة
يفهم منها حاجة واحدة بس انا هاستفاد منك ايه ف متحاولش تتكلم عن حاجت
شخصية او صفات مالهاش علاقة بالشغل*يا جماعة بالنسبة للسى فى
ماتحاولش ابدا تكتب حاجة او خبرة ما عملتهاش او ماتعرفش حاجة عنها
ماتحاولش تكتب هوايات مانتش عارفها لان ممكن اوى تتسال فيها وساعتها هايبان
كدبك من اجباتك وتبقا ساعتها قضيت على الانترفيو بتاعتك*
صدقونى الاجابات مالهاش اى معنى من غير ثقة ولغة كويسة ولغة جسد مسيطر
عليها ولغة تواصل العيون لان الطيران 80% من نجاحك فيه بيعتمد على لغة جسدك
وحركاتك اثناء المقابلة و10% بس للكلام والردود والباقى بيرجع للمظهر
والنظافة الخ ودة هاتلاقو ليه فيديوهات كتير ع الصفحة بتبين طريقة
الاستعداد والاخطاء اللى بتحصل ف لغة الجسد ولغة التواصل اثناء المقابلة
وهى السبب الاكبر لفشل ناس كتير ف تخطى انترفيو الشركات من غيرما يحسوا
بسبب واضح لدة الاجابات :
1-
بتقول انا اسمى ______ عندى _____ سنة متخرج من ____ بتقدير __ (اختيارى)
(اعزب او امتزوج ..الخ) من محافظة _____ اعمل ك _____ (لو بتشتغل ولو مش
بتشتغل ماتقولش الجملة دى ولو كنت بتشتغل قول اخر مكان اشتغلت فيه ومدة قد
ايه ) وف وقت فراغى بحب _____ او _____ ( وهنا قول هوايات تعرف عنها حاجة
لانك ممكن تتسال فيها )
2-(موجود ف فيديو اسئلة الانترفيو بالاسفل )
3-
هنا لازم تدخل على سايت الشركة قبل ما تتقدملها وتعرف اى حاجة عنها تاريخ
البداية او الانشاء عدد اسطول طيراتها عدد المحطات اللى بتطير ليها ولو
كانت شركتك الوطنية زى ايجبت اير بتعرف مين مديرها ع الاقل - الجوايز اللى
اخدتها الشركة او الاتحادات اللى مشتركة فيها لكن ف كل الاحوال بتقول انها
من افضل شركات الطيران ف الوطن العربى او العالم والشرف ليا انى اكون ف
انترفيو ليها النهاردة ف اخر كلامك
4-
واوعى تقول انا بحب السفر لان هوة مش هايعينك ويصرف عليك عشان تتفسح افهم
ان اى سؤال بيتقال هوة عايز يعرف هوة هياخد منك ايه مش هايديك ايه .. وهنا
هاتقول اى واحدة من الاجابات دى
اولا لانها
وظيفة شايف انها تناسب امكانياتى وقدراتى حيث اننى (وتزكر صفات ايجابية زى
نشيط ومبدع وقادر على العمل ف اصعب الظروف - عندى القدرة على التواصل مع
شخصيات كتير - سريع التعلم - وبحب اشتغل من ضمن تيم وورك - مرن - صادق
وامين ومنضبط بحب اساعد الناس .. الخ )ثانيا تزكر مساوىء
العمل المنتظم زى انا مش قادر اتخيل نفسى ف اى عمل مكتبى منتظم ذات روتين ف
مواعيد العمل وبطمح دايما اكون ف شغل يمثلى تحدى كبير ف ظروفه وطبيعته
وللسبب دة انا اتقدمت للوظيفة دى مع زكر بردوا الصفات الاجابية اللى فوق او
بعض منها
5-نفس اجابة السؤال 4 مع زكر انك
بتحب تحمل المسؤلية ومساعدة الناس وعندك قابلية ومرونة على تحمل مصاعب
العمل ولو سالك ايه هى مسؤليات المضيف الجوى تقوله سلامة الركاب اولا
وامنهم والعمل على راحتهم ودى بتترجم ف كتب تدريس الضيافة الى 3 حاجات
(safety - security- service ) وهانكتب معانيهم بالتفصيل ف بوستات جاية ان
شاء الله
6-هنا هاتزكر صفات بعيدة عن
التاثير ف العمل وبننصحك تاخد الاجابة اللى هنا مش اللى فى فيديو الانترفيو
اللى تحت وممكن تقول : انى بهتم اوى بتفاصيل العمل ومش بسيب حاجة للظروف
او الاعتمادية على اصحابى وانى بحب اعمل شغلى بنفسى وبدقة ودة احيانا
بيدايق زمايلى ف العملاو انى ممكن اجى على نفسى عشان اساعد
الناس واشوف ابتسامتهم ولو قالك قولى مثال ازكر اى مثال زى مثلا انك سبت
امتحانك ف الكلية مرة عشان تودى صاحبك المريض المستشفى او اى موقف مشابه
7-وهنا
هاتزكر موقف مريت بيه انتا او حد من اصحابك او حتى تختلقه زى مثلا واحد
ضربته عربية قدامك ونقلته المستشفى وفضلت معاه وحاولت تتصل باهله لحد ما
قام بالسلامة او انك رحت اتبرعتله بالدم وانتا ماتعرفوش او ان حد من اصحابك
كان ف مشكلة مع والده وانتا قدرت تقنع والده وتصلح ما بينهم ودى بترجع
لزكاء وقدرة كل واحد فيكو لاقناع الانترفيور بموقفه
8- نفس اجابة سؤال 3 لكن مع فارق الشركات ولمساعدة اكبر ابعتلنا اسم الشركة اللى متقدم ليها واحنا نقولك اجابة تتعلق فعليا بيها
9-
ازكر هوايات مافيهاش ازى لحد او تفاهة زى بحب اقرا كتب ع النت او اتصفح
مجال معين بحب الرياضة او المشى او القراية لكن لاحظ لو وزنك زيادة او
ماتعرفش كتب معينة او مواضيعها ما تختلقش لان ساعتها هيابن انك بتكدب لانك
لو رياضى فعلا او بتمشى مش هاتعمل وزن زايد ولو بتحب القراية هاتعرف اسماء
كتب ومؤلفين وقصص ف خلى بالك وحاول تقول هوايات خلاقة او مفيدة تبينك شخصية
مبدعة
10-طبعا هاتقول بسرعة وبمنتهى الثقة
هاتخلى عنها لان الطيران هوة طموحى الاول واى شىء تانى كان ثانوى او مؤقت
لحد ما اوصل لهدفى لانى مابحبش الفراغ او السلبية
11-
هاتقول انه طبعا شىء محبط لانه حلم حياتك لكن هاتتقدم ليها مرة تانية
وتالتة وهاطور نفسى اكتر واكتر عشان اكون كفؤ كفاية انى انضم لفريق عملها 12- تمت الاجابة عليه بكفاءة ف فديو اسئلة الانترفيو بالاسفل
الاسئلة
الاستفزازية يجب الاجابة عليها بمنتهى الهدوء مع الاحتفاظ بالابتسامة
الصافية وكن على ثقة بان استفزازه لك شىء مش شخصى ولكنه اختبار لحظى لقوة
تحملك لجميع الاشخاص واختلاف الشخصيات 13 انا مش زعلان ولا متوتر بالعكس انا سعيد لانى متواجد النهاردة ف انترفيو شركة اتمنى الانضمام اليها
14-قوله
انى واثق من قدراتى وانى هاقدر اضيف للشركة واحافظ على قواعدها وصورتها
عشان دايما تفضل ف التوب لكن اذا الشركة ماتقبلتنيش المرة دى فاكيد هارجع
المرة اللى جاية وانا مطور اكتر ف قدراتى وامكانياتى لحد ما اقدر ف يوم
انضم لفريقها
15-السؤال
دة اكتر للبنات عشان يشوفها بتقدر تقدر المسافات وبتعرف تتصرف وتتحرك
لوحدها ولا لا حاول تركز ف المسافات وتكون على دراية باللى حواليك وازكر
الطريقة اللى جيت بيها والبنات ماتقولش ان فى حد معاها برة او ان فى حد
مستنيها يكون افضل لان من اهم صفات المضيف انه يكون معتمد على نفسه وقادر
على التصرف
16-
هنا الاجابة بترجع لكل واحدة بنفسها لو هى عندها القابلية دى ولا لا وحسب
سياسة الشركة ان كانت تقبل المحجبات او لا لكن لو عايزة الشغل يبقا افضل
اجابة انى هاخضع لسياسة الشركة وانى مقدمة وانا عارفة قوانينها وقابلاها
17- طبعا لا وبالعكس اكيد هايبقا تجربة مميزة المعيشة ف بلد غير بلدى ومعرفة ثقافة جديدة وطباع جديدة وشعوب مختلفة
18- موجود باجابة جميلة جدا ف فيديو اسئلة الانترفيو تحت
19
- ودة اللى مش موجود فوق اذا سالك عن موقف ع الطيارة وتتصرف فيه ازاى حاول
تشغل عقلك بسرعة واستخدم ذكائك للرد عليه وبالتوفيق للجميع :)
إرسال تعليق