الموضوع الشامل للهجرة الى كندا عن طريق الاكسبريس انتري
===================================
 |
| الهجره الى كندا |
 |
| الهجره الى كندا |
- طبعاً ناس كتير داخلة جديد ونفسها تهاجر الى كندا و من كتر الكلام والارقام والمعلومات ومش عارفة تبدأ منين ..
- عملت الموضوع ده لكل اللي بيسأل نبدأ منين بس لازم تقرأ الموضوع ده كويس جداً ..
 |
| الهجره الى كندا |
*** لازم قبل كل شيء تفهم الموضوع بشكل كامل وتعرف انت محقق الشروط ولا لأ قبل ما تاخد اي اجراء وتضيع وقت وفلوس
شروط التقديم لهجرة كندا كالتالي :
1- خبرة سنة على الاقل في احد الوظائف المطلوبة .
2- اختبار لغة (ايلتس للانجليزي او tef للفرنسي)
3- تقييم المؤهل الدراسي .
4- المقدرة المالية .
5- الحصول على 67 نقطة على الاقل من اختبار القبول
*** في حالة عدم تحقيق اي شرط من الشروط دي لا يمكنك التقديم للهجرة الى كندا بنظام الاكسبريس انتري***
 |
| الهجره الى كندا |
التفاصيل :
=====
اولا : الخبرة العملية :-
============
كندا عندهم نظام لتقسيم الوظايف اسمه noc
يعني كل وظيفة ليها رقم مكون من اربع ارقام وليها مستوى مهاري معين
اعلاهم مستوى 0 للمديرين ، ثم مستوى A للمتخصصين ، ثم مستوى B للوظائف الفنية ، مستوى c للوظائف المتوسطة ، واخيرا مستوى D للحرفيين .
مطلوب عشان تقدم على البرنامج ده تكون وظيفتك فقط في مستويات (0-a-b) و مستويات (cو D) ماينفعش يقدم على البرنامج ده .
طيب ازاي احدد النوك لوظيفتي وعلى اي اساس :
تدخل على اللينك ده اضغط هنــــــا
اضغط continue and skip
وتنزل بالصفحة هتلاقي مكتوب filter items وجنبها مربع البحث ، اكتب مهنتك وهتظهر لك اختيارات للنوك القريب من مهنتك مثلا لو بحثت بكلمة engineer هتظهرك كل المهن المتعلقة بالهندسة من قريب ومن بعيد وجنب كل مهنة رقمها ومستواها ادخل على اقرب واحدة ليك مثلا civil engineer وشوف المهام الوظيفية ليها ولو لقيتها مطابقة لمهنتك يبقى هي دي اللي هتبني عليها ملفك .
طيب لازم يكون المهنة في النوك في نفس مجال الدراسة ؟
لأ .. المهم يكون عندك خبرة في المهنة دي لمدة سنة على الاقل خلال اخر 10 سنين ، بمعدل لا يقل عن 30 ساعة عمل اسبوعيا و 1560 ساعة سنوياً
يعني مثلا خريج تجارة وبيشتغل 3 سنين مبرمج يختار انه مبرمج
ازاي اثبت خبرتي في المهنة دي ؟
مطلوب منك احضار شهادة خبرة من جهة عملك على ورق رسمي ومختومة مبين فيها اسمك والمسمى الوظيفي و مهام العمل و ساعات العمل الاسبوعية وسنوات العمل و الاجر .
ثانياً: اختبارات اللغة :-
=============
ممكن تقدم اما باللغة الانجليزية فقط او الفرنسية او كلاهما .
بالنسبة للغة الانجليزية في اختبارين معتمدين فقط للتقديم للهجرة وهما ielts & CELPIP
الايلتس مطلوب الجينرال فقط ، اما الاكاديميك غير مقبول نهائياً
الاختبار الثاني مطلوب منه الجينرال ايضاً ومكان امتحانه داخل كندا او الامارات فقط
الدرجة المطلوبة في امتحان الايلتس لازم تحقق 6 على الاقل في كل فرع من فروع الامتحان (القراءة و الاستماع والكتابة والتحدث) لو اي فرع فيهم قل عن 6 درجات غير مقبول للتقديم .
لازم كمان الامتحان يكون صالح لان مدة صلاحيته سنتين بس ، لو قدمت مثلا بعد سنة ونص من الامتحان وجاتلك الدعوة بعد 6 شهور لازم تمتحن مرة تانية لان الامتحان هيكون منتهي الصلاحية .
اما بالنسبة للغة الفرنسية :
الامتحان المعتمد الوحيد اسمه tef والحقيقة معنديش اي معلومات عنه .
ثالثاً: تقييم المؤهل :-
============
تقييم المؤهل عبارة عن ارسال شهادة التخرج وبيان بالدرجات لمؤسسة كندية لكي تعتمدها وتوازيها بمؤهل كندي
ملحوظة : التقييم غير المعادلة مطلوب فقط للتقديم عمل تقييم للشهادة
تقييم الشهادة فين ؟
اشهر مؤسسة لتقييم الشهادات هي مؤسسة wes ودي بتقييم كل الشهادات ماعدا لو هتقدم على طبيب او صيدلي ***
يعني لو انت بكالوريوس طب ومش هتقدم على نوك طبيب عادي تقيم في ويس وكذلك لو انت بكالوريوس صيدلة بس هتقدم على مندوب او مدير صيدلية عادي تقيم في wes
يعني صيدلة ينفع ؟ ايوه بشرط هتقدم على نوك اي حاجة غير صيدلي او تكون شريك (زوج او زوجة) يعني مش المتقدم الرئيسي .
بس لما توصل هناك لو عاوز تشتغل في مهنة صيدلي هتبدأ اجراءات تقييم شهادتك في الجهة المختصة (بيبك) وتعمل 3 اختبارات علشان تاخد ترخيص مزاولة المهنة (المعادلة)
اجراءات التقييم ازاي والتكلفة والمدة ؟
📌بتدخل على موقع ويس كندا: www.wes.org/ca
وتختار WES Educational Credential Assessment for IRCC
ماتختارش اي حاجة غيرها
او تدخل على اللينك ده هيوصلك على طول للتقييم المطلوب :
تختار Apply now وتكتب ببياناتك وبيان مؤهلاتك اللي عاوز تقيمها وتدفع الرسوم بالكريدت كارد حوالي 233 دولار كندي وبعد الدفع هيظهرلك رقم مرجعي لملفك اكتبه على جنب .
تروح كليتك وتطلب منهم شهادة تخرج وبيان درجات لكل المواد بالانجليزي وتاخد الورقتين تحطهم في ظرف رسمي من الكلية وتسلمهم لعميد الكلية يحطهم في الظرف ويقفله ويختم على لزقة الظرف بختم النسر ويوقع جنب الختم مكان قفلة الظرف ، واكتب على الظرف الرقم المرجعي اللي طلعلك من ويس مع عنوانهم واطلع على اي شركة شحن دولي مثل dhl , aramex , tnt, fedex , ups او البريد المصري السريع (البوسطة) عندهم خدمة بريد سريع اسأل عليها .
وارسل الظرف بالعنوان المكتوب على موقعهم بعد ما يوصل باسبوع هتلاقي الحالة اتغيرت على حسابك من انتظار المستندات الى معالجة الطلب وبعدها ب 3 اسابيع تقريباً هيتم ارسال التقرير بالايميل pdf وتقدم بيه عادي .
ملحوظة:
----------
* ارسل الظرف باسمي ولا لازم بإسم الكلية ؟ ارسله باسمك مفيش اي مشكلة
* ينفع ارسل ظرف لي وظرف لزوجتي مع بعض؟ ايوة ينفع بس بشرط شهادات كل واحد منكم في ظرف منفصل ويكون بالمواصفات المذكورة فوق مختوم وموقع من الكلية وعليه الرقم المرجعي لكل واحد فيكم ، ولما تروح للبريد بيحط الظرفين في ظرف الشحنة البلاستيك وهيكتب عليه عنوان ويس .
* اذا عندي بكالوريوس وماجستير او دبلومة الحساب بيكون ازاي؟ بتدفع مبلغ ثابت بس لكل شهاداتك يعني تقييم البكالوريوس نفس تقييم البكالوريوس والماجستير
* اختيارات الدفع في ويس عبارة عن ايه؟ التقييم الاساسي ب 200 دولار كندي و بيسألك لو محتاج نسخة زيادة من التقرير نرسلها لجهة ما انت تحددها دي ب 30 ملكش دعوة بيها وكمان تختار طريقة شحن التقرير ليك بالبريد العادي ب 7$ ولو بالبريد الدولي السريع ب 85$ او بالبريد السريع داخل كندا فقط ب 25$ ، اختار العادي هما كدا ولا كدا هيبعتولك نسخة pdf هتقدم بيها للهجرة ومش هتحتاج الهارد كوبي، وهتلاقي المجموع في الاخر مضاف ليه الضرايب حوالي 233 دولار كندي .
* هل هناك صلاحية لتقييم الشهادة ؟ نعم صلاحية تقرير تقييم الشهادة خمس سنوات .
رابعاً : القدرة المالية : -
==============
مطلوب يكون عندك مقدرة مالية تعينك على الحياة في كندا في حالة عدم وجود وظيفة ومحددة بجدول يتغير حسب ظروف المعيشة هناك ومستوى دخل الفرد وبيبدأ من 12300 دولار كندي اذا بتقدم بمفردك وبيزيد على حسب عدد افراد الاسرة .
للمزيد اطلع على الرابط التالي : اضغط هنـــــا ثم اضغط continue then click skip
ملحوظة :
---------
* مش مطلوب منك دفعه ولا تحويله فقط تقدم بيه كشف حساب
* لازم يكون المبلغ ده متوفر في حسابك متوسط 6 شهور من يوم طلبه يعني لو المبلغ نقص في احد الشهور لازم تعوضه بمبلغ اعلى علشان المتوسط يساوي نفس المبلغ المطلوب.
* مش هتعرف تستلفه من حد تودعه وتطلع بيه كشف حساب لانه بيطلب كشف الحساب منك بعد الفوز والدعوة ولازم يكون بتاريخ اخر 6 ايام ويكون المبلغ متوسط 6 شهور كما ذكرت .
* ما ينفعش يكون عقار او سيارة او ذهب لازم فلوس كاش
-
خامساً : اختبار القابلية eligibility:
=====================
يجب على المتقدم الحصول على 67 نقطة على الاقل لامكانية التقديم
تفاصيل النقاط دي وكيفية الحصول عليها :
اولا لازم تعرف انك مطلوب منك تعدى فى 2 بول عشان تقدر تهاجر و تنطلق الى كندا
البول الاول من 100 درجة و دى لازم تجيب فيها 67
البول التانية فدى من 1200 و غالبا لازم عشان تعدى تجيب 440
انا هتكلم فى البوست دة عن البول الاولى منعنا للخبطة و اوعدكم انى قبل نهاية الاسبوع هتكلم عن البول التانية
البول الاولى من 100 درجة مقسمة كالاتى :
الخبرة و دى عليها 15 درجة
العمر و دة علية 12 درجات
التعليم و دى علية 25 درجة
اللغة و دى عليها 28درجة
التكيف و دة علية 10درجات
العمل فى كندا و دة علية 10 درجات
كدة المجموع كام ؟؟؟ ايوة مضبوط 100 درجة
نشوف التقسيمة بتاعتهم من الاول :
اولا_______ الخبرة ب 15 درجة مقسمة كالاتى :
6 سنوات او اكتر هتاخد الدرجة كاملة
4 او 5 سنوات هتاخد 13 درجة
2 او 3سنوات هتاخد 11
1 سنة هتاخد 9
مفيش خبرة مش هتعرف تقدم اصلا و دة بند مهم لخريخ السنة دى و عايز يقدم حالا
ثانيا ______العمر ب 12 درجات كالاتى :
تحت 18 سنة هتاخد صفر
من 18 و حتى 35 هتاخد الدرجة كاملة
من 36 و حتى 46 هتنزل درجة عن كل سنة
47 للاسف صفر
ثالثا_____التعليم ب 25 درجة كالاتى :
الدكتوراة هتاخد الدرجة كاملة
ماجيستر هتاخد 23 درجة
دبلو مة اكتر من سنة هتاخد 22 درجة
بكالوريوس هتاخد 21 درجة
معهد سنتين هتاخد 19 درجة
معهد سنة واحدة بعد الثانوى 15 درجة
ثانوية عامة 5 درجات
رابعا _____اللغة ب 28 درجة
و دى بقى موضوع طويل
اللغة الاجنبية الاول عليها 24 درجة فى حالة انك مقفلها و دة طبعا مستحيل و اللغة الاجنبية التانية عليها 4 درجات
هنفرض ان اللغة الاجنبية الاولى انجليزى زى معظم الجروب و التانية فرنساوى
المفروض عشان تجيب الحد الادنى للتقديم للهجرة انك تجيب 6666 و دة فى معيار القياس عندهم اسمة CLB7
ايوة المستوى السابع مش مقصود بية انك تجيب 7 لكن المقصود بية انك تجيب اربع ستات6666
طب لو جبت اربع ستات تاخد كام ؟؟؟
تاخد 4 درجات لكل فرع = 16 درجة لغة
و الحيقية كان نفسى افيدكم فى اللغة التانية بس للاسف مش هاقدر و ياريت لو حد عندة فكرة يقول
و دة رابط حساب درجاتك فى الايلتس اضغط هنـــــــا ثم اضغط continue then click skip
خامسا _____التكيف و دة ب 10 درجات
و دة لو لك حد قريب هناك من الدرجة الاول بتاخد 5 درجات
لو الشريك ( الزوج او الزوجة ) اخد الايلتس بدرجات 4 __4__ 3.5 __4.5 تاخد 5 درجات
لو سبقك ليك او للشريك الدراسة فى كندا و اكيد دة صعب بدليل ان حضرتك بتقراء الكلام دة دلوقتى لانك طبعا لو درست هناك مكنتش هتقراء لواحدة مبتداة زيى
سادسا _____ العمل فى كندا ب 10 درجات
و دة لمن لدية عرض عمل فى كندا او معة تصريح بالعمل هناك و دة بردو صعب جدا و مش هنشغل بالكم بية
و اخيرا لا تنسونا من صالح الدعاء و نعدكم بالحديث عن الول الثانية فى اقرب وقت
لقيت نفسك تقدر تحصل على 67 نقطة يبقى كده تمام انت تقدر تقدم للهجرة بس ده مش معناه انك هاجرت لأ بيديلك رقم مرجعي لحالتك
-----
دي كانت الشروط الاساسية لامكانية التقديم للهجرة ، ولكن تحقيقها لا يعني انك هتاخد الفيزا لأن اللي فات هو الحد الادني والهجرة الى كندا لا تبنى على الحدود الدنيا ولكن يتم الاختيار اعلى المتقدمين وليس عشوائياً مثل اللوتري الامريكي لذلك المرحلة الجاية مهم جداً انك تفهمها كويس .
----------------------------
اخيراً: مرحلة crs : "الفوز في السحب والحصول على دعوة "
---------------------------------------------------------------
بعد ما تكون مقبول في الاختبار اللي فات بتفتح ملف اكسبريس انتري وبتدخل في تقييم تاني خالص من 1200 نقطة بيعتمد على مهاراتك في اللغة والسن والتعليم وخبرتك
وكل المتقدمين بيدخلوا في سحب وبيختاروا المتقدمين حسب اعلى سكور السحب ده بيكون بشكل شهري كل شهر مرتين او تلاتة، واقل رقم وصلوله كان 413 الشهر الماضي وهذا الرقم بيصعد وينزل نتيجة لعوامل كثيرة ..
اللي يجيب فوق 400 درجة بتكون فرصته كويسة في الهجرة
قبل ما تعمل اي اجراء تقدر تعرف سكورك في حالة التقديم هيكون كام من الرابط ده : اضغط هنـــــا
ولو عاوز تعرف تفاصيل توزيع النقاط دي ادخل على الرابط ده : اضغط هنــــــا
طيب لو لقيت نفسك جايب اقل من 400 تعمل ايه ؟
يبقى تراجع توزيع النقاط في الرابط اللي فوق وتشوف ايه اللي ممكن يزود درجاتك مثل اللغة او الدراسة او الخبرة
والحصان الرابح هو الايلتس ... بمعنى لو قدرت تحصل على درجة 7 في كل الفروع و 8 في الاستماع هتلاقي السكور فرق كتير لان بتاخد على اللغة 116 نقطة وممكن تاخد 100 اضافية اذا عندك 3 سنين خبرة و ماستر او دبلومة بعد البكالوريوس يعني مجموعهم 216 نقطة !!!
لقيت كل حاجة تمام كده يبقى تدخل في الموضوع بشكل جدي وتبدأ تحقق المتطلبات المذكورة في اول البوست بالترتيب
وبعدها تفتح ملف على موقع ادارة الهجرة من الرابط ده اضغط هنــــــا
اضغط continue and skip
وتكتب كل بياناتك وتعمل submit للملف وربنا معاك .
دي كانت فكرة عامة عن الهجرة الى كندا بنظام الاكسبريس انتري للعمالة الماهرة . 3
إرسال تعليق