اير كايرو للطيران تطلب ضيافه جويه بدون خبره

 جوله فى ماليزيا

 

 

النهاردة هتكلم عن السياحة فى ماليزيا و عن كل حاجة تقريبا ينفع تعملها فيها ..

اولا الفيزا و هى مش محتاجة فيزا للمصرين ..

الطيران هتحاول تتواصل لاقل سعر طيران من على :

www.travelstart.com

www.skyscanner.com

الاقامة هتحجز برضة يا فى هوستيل او فى فندق على حسبب جيبك و هتدور على :

www.booking.com

www.hostelworld.com

و للرحالة و اللى بيحب يعيش عيشة السفر الرخيص و اللى انا ديما بعملة و هو توفير الاقامة عن طريق استخدام موقع

www.couchsurfing.com

 و هو انك بتخش تعمل اكونت و تكتب انك مسافر و الناس بتستضيفك عندها ببلاش و هو ممكن يا تنام على سرير او اوضة لوحدك او او على الارض على حسب انت بتخش تقراء البروفيل عندة .

اليوم الاول :

و هو هتتمشى فى شوارع كوالا لامبور عشان تعرف الدنيا ماشية ازاى هتنزل

اولا زيارة twin tower و هتروح بالمترو و اسم اقرب محطة ( klcc )

ثانيا : السوق الصينى ( chaina town ) و اقرب محطة هى ( pasar seni ) اول اما تنزل من المحطة هتروح تزور المتحف الاسلامى ( و حاول تاخد تذكرة الطلاب ) و هتزور المسجد هناك و منهم هتعدى الناحية التانية من المحطة و تزور السوق الصينى .

ثالثا : هتركب المترو و تنزل تزور منطقة اسمها شارع العرب و اقرب محطة مترو هى (bukit bintang ) و هو شارع فية مطاعم كتيرة و ممكن تسهر هناك .

اليوم الثانى :

زيارة batu caves  و هو عبارة عن معبد هندى فى الجبل و القرود منتشرة فى كل حتة و دخولة مجانى و اقرب محطة مترو هى ( batu caves ) و هناك فى برضى كهف المظلم فية ثعابين و انواع من الصخور و الخفافيش تجربة لزيزة ممكن تخشة مع المرشد اجبارى و بتدفع 40 رينجيت .

بعدها هتاخد تاكسى لمنطقة اسمها taman eko rimba و هو عبارة عن منتجع كدة ظريف ية شلالات صغيرة كدة ممكن تاخد اكل من منطقة batu caves و تاكلة هناك و تقدى باقى اليوم حتى 4 مثلا و ترجع عشان المواصلات هناك صعبة شوية و انت رايح استخدم يا uber او grab car و دة ابلكيشن تستخدمة هناك و فى الاغلب grap ساعات كتير بيبقى ارخص .

هترجع لمنطقة batu caves و ترجع بالقطار لمكانك .

اليوم الثالث :

هتروح مدينة العاب مائية اسمها sunway lagoon و هتروحها بالمترو برضة و تكلفتها للفرض حوالى 120 رينجيت و اقرب محطة هى برضة اسمها (sunway  laggon ) هتقدى يومك كلة هناك و حاول متاخدش حاجات كتيرة معاك عشان انت بتاجر مكان بتحط فية حاجتك و المكان دة صغير .

اليوم الرابع :

هتروح حديقة الحيوان اسمها zoo negara و هتروحها ب الباص من محطة pasar seni و سعر دخول الفرد 85 رينجيت الحديقة حلوة و فيها الباندا و انا عن نفسى روحتها عشان كدة و عشان النمر الابيض هتخلص الحديقة و هتروح على محطة مترو اسمها  kl sentral المحلات هناك رخيصة لو عايز تعمل شوبينج و احسنهم H&M , محل اسمة outdoor و فى فود كورد ماليان مطاعم فى الدور الاخير .

اليوم الخامس :

هتروح منتجع اسمة tadom hill المكان دة حلو جدا جداا اللمكان ظريف و هادى و هو عبارة عن بحيرة صغيرة و فيها مراكب من البامبو و اكتفتى كتيرة و المكان بيفتح 9 الصبح هناك هتاخد يا خيمة يا غرفة يا سرير انت بتختار  اللى انت عايزة و الغداء هناك خد حاجة اسمها bambo rise و دية حلوة جدا جدااااااا

المكان المواصلة الوحيدة لية هو تاكسى اطلب grap و هتدفع تقريبا 50 رينجيت هتبات يوم هناك وهترجع على كولا لامبرو تانى يوم الصبح  قبل ما تروح المكان انزل احجز مع اى شركة سياحة لمكان اسمة Cameron high lands و التكلفة من 80 الى 100 رينجيت على حسب   احجز قبلها بيومين مثلا هتلاقيهم فى شارع العرب و انت راكب التاكسى و رايح المكان اتفق انة يجى ياخدك تانى يوم الصبح عشان تلحق الرحلة اللى انت حاجزها هتروح معاهم و هتاخد الجولة اللى هما هيعملوهالك هناك و بعد اما تخلص الجولة اطلب انك هتقعد فى المدينة مش هترجع و متنساش تشترى من شاى الفراولة كتير لان طعمة حلو جدا جدااا .

اليوم السادس :

بعد ما تخلص الجولة شوف اى هوستيل هناك بيبتدى من 20 رينجيت اقعد يوم المدينة هدية و كويسة ممكن تاجر موتوسكل لو حابب سواء بنت او ولد اتعلموا ركوب المتو بايك قبل ما تسافرو لان دة متعة الرحلة بعد كدة هتاخد باص لجزيرة اسمها pulau pangkor island  هتاخد المعدية للجزيرة و الجزيرة امتع حاجة فيها اانها صغيرة جدا تلفها كلها فى حوالى ساعة بالموتو بايك اللى هتاجرة من الناس اللى هتبقى واقفة قدام المعدية الاسعار بتبتدى من 30 الى 50 رينجيت حاول توصل لى ارخص سعر اجرة يومين هتروح تشوف الهوستيل اللى موجودة فى الجزيرة الاسعار بتبتدى برضة من حوالى 20 الى 50 لليلة الجزيرة ممتعة و انصح اى حد بيها الاهم تاخد الموتوسكل اول اما تنزل من المعدية لان التاكسى غالى .

كدة بظبط الجدول حوالى 9 ايام و استنوا منشور تانى ان شاء الله عن جزيرتين بينينج و لانكاوى خلال ايام .

اهم النصايح :

سافر بشنطة ظهر واحدة بس و حط شنطة صغيرة جواها عشان اما تخرج و متنساش جراب الموبيل و البسبور كمان عشان المطر .

لبسك خفيف لان الجو حر هناك و معتقدش انى استخدمت الجاكيت ولا مرة

فلوسك متقسمة فى كذا مكان

الناس هناك طيبين جدا و جادعين و بالنسبة للاكل حاول تجرب حاجات مختلفة كل يوم

لو مشيت ورا البرنامج دة معتقدش انك هتحتاج حاجة تانية .

التكلفة البرنامج كلة ان شاء الله هقولها بالرينجيت  فى المنشور الجاى .

لكل محبى ادوات الترحال فى محل هناك اسمة decathlon و بتروحو بتاكسى من محطة Kl بحوالى 20 رينجيت المول دة حلو جدا جدا بيبع كل حاجة تقيبا عن الترحال .

شير و فيد غيرك .

#ماليزيا