التقديم في الاتحاد للطيران بشئ مبسط كالاتي :
اولا : طريقه التقديم في الاتحاد للطيران
-------------------------------
الضيافه الجويه في طيران الاتحاد مقسم الى قسمين و هما قسم اللي بيتكلمو اللغه العربيه Arabic Speakers و اللي احنا بنقدم عليه و قسم العادي اللي هو Cabin Crew بس اللي بيقدم فيه مختلف جنسيات العالم اللي مش بيتكلمو عربي .اول حاجه و انا هنا بتكلم علينا احنا كعرب بنقدم في Arabic Speakers و طبعا قبل ما نقدم في الاعلان لازم نتاكد من وجود ايام لل Assessments موجوده على موقع الاتحاد او لا علشان نعرف حنختار اي يوم من ايام الانترفيوهات . بعد ما نقدم و نخلص Application و في حاله قبول الابليكاشن الشركه هنا بتبعت للناس علشان يختارو مواعيد الانترفيوهات اللي هي متحدده اصلا على موقع الشركه بنختار معاد و المكان اللي يناسبنا في حاله عدم نزول الشركه في البلد اللي احنا فيها و لتكن مصر مثلا يبقى هنا نختار بلد تاني و بعد ما نختار و نبعت ليهم ايميل الشركه هنا حتبعتلك دعوه Invitation للانترفيو في اليوم و المكان اللي انت اختارته و لما بيبعتو الدعاوي بيكون معاها اوراق لازم نطبعها و نملاها و ناخدها معانا و احنا رايحين الانترفيو بتكون عباره عن اوراق نعمل بيها الفيزا و اجراءات الهجره لان السفر هنا على حسابك و الورق ده علشان تثبت و انت بتعمل الفيزا في السفاره او المكان اللي انت حتطلع منه الفيزا انك رايح ابوظبي علشان تعمل انترفيو في طيران الاتحاد فقط لا غير. هي دي طريقه التقديم و الاجراءات اللي بتم بعد التقديم .
ثانيا : تفاصيل الانترفيو في مقر الشركه في ابوظبي
------------------------------------------------
انترفيو طيران الاتحاد في ابوظبي بيكون في مقر الرئسي او أكاديميه الاتحاد للتدريب Etihad Training Academy و الانترفيو يوم 28 أغسطس حيكون هناك ان شاء الله و الانترفيو كله في يوم واحد فقط . تفاصيل الانترفيو بتكون على النحو التالي :
* المرحله الاولى : قياس الطول Reach Arm و أسئله عامه General Questions
اول ما الناس بتوصل مكان الانترفيو في مقر الشركه كل واحد بياخد رقم خاص بيه و بادج بيحطه على صدره و بعد كده بيستنو في قاعه مخصوصه علشان كل واحد يدخل بالدور للجنه . اول حاجه اللجنه هنا بتقيس طول كل واحد بالدراع و هو واقف على طراطيف صوابع رجليه اللي هو نظام Reach Arm اللي لازم يكون 212 سم و بعد كده بيقف قدام اللجنه و اللجنه هنا بتسال اسئله متنوعه تتعرف بيها على الناس اللي جايه تقدم و من ضمن الاسئله دي كالاتي :
1) بتعمل ايه دلوقتي What do you do
2) ليه عايز تسيب شغلك Why do you want to leave your work
3) ليه عايز تشتغل في طيران الاتحاد Why do you want to work for Etihad
4) عندك اي علامات من عمليات سابقه او جروح او تاتوو Do you have scars or tattoos
هي دي نوعيه الاسئله اللي اللجنه بتسالها في اولى مراحل الانترفيو و اللي بتكون في غالب اسئله نمطيه زي اسئله اليوم المفتوح Open Day و ممكن اللجنه تسالك اسئله تانيه دي بس عينه من الاسئله اللي بيسالوها للناس ديما و بعد كده بيبدأ امتحان اللغه الانجليزيه
المرحله التانيه : امتحان اللغه الانجليزيه English Test
امتحان اللغه الانجليزيه في طيران الاتحاد امتحان معقول و بسيط مدته 45 دقيقه بيتكون من اسئله في الجرامر او قواعد اللغه الانجليزيه و قطع و عليها اسئله Comprehension و فوكاب طبعا الاسئله بتكون اختيار متعدد يعني نختار الاجابه الصح و نعلم عليها
بعد كده اللجنه بتعمل تصفيه اولى First Elimination و بتنادي على اسامي الناس اللي نجحت و عدت من امتحان اللغه الانجليزيه و بيكمل المرحله اللي بعدها و الناس اللي مش بتسمع اساميها بتمشي طبعا
المرحله التالته : مرحله التعريف بالاخر Introduce The Others
و في المرحله دي بيقوم كل واحد يتعرف على زميله او اللي جنبه و يعقدو يتكلمو مع بعض و بعد كده بتقف تعمل Presentation عنه و تقدمه للناس يعني كل واحد بيتكلم عن اللي جنبه و يعقد يساله شويه اسئله اي كانت الاسئله زي مثلا بيشتغل ايه و بيحب ايه و اسئله تانيه كمان يعني بيتعرفو على بعض و بعد كده بيقدمو بعض للناس و ممكن اللجنه هنا تعمل انشطه تانيه مش شرط ان كل واحد يعرف التاني بس ده هو اللي بيحصل في غالب الانترفيوهات
بعد كده اللجنه بتعمل تصفيه تانيه Second Elimination و بتنادي على اسامي الناس اللي عدت من المرحله دي و الناس اللي مسمعتش اساميها بتمشي
المرحله الرابعه : مرحله جلسه نقاش او Circle Discussion
جلسه النقاش او Circle Discussion بتكون عباره عن اننا في طياره و الطيار دي عملت هبوط اضطراي Emergency Landing في منطقه صحراويه او غابه هنا ممكن يقولك غابه او منطقه صحراويه او اي مكان تاني لازم نركز على المكان لان المكان بيدخل في عمليه الاختيار و كان على الطياره 12 عنصر او مجموعه عناصر حنختار منها 6 او على حسب المطلوب منك و طبعا اللجنه بتديلك ورقه فيها الحاجات او العناصر اللي موجوده على الطياره اللي احنا حنختار منها الحاجات اللي لازم ناخدها من الطياره و طبعا حنقول ليه اخترنا الحاجات دي و اشمعنى الحاجه دي مش اي حاجه تانيه و طبعا من ضمن الحاجات عباره عن وجبات Meals و اسعافات اوليه First Aid و حاجات تانيه
هي دي بتكون اخر مرحله قبل مرحله الانترفيو النهائي مع اللجنه Final Interview و بعد كده اللجنه بتعمل تصفيه اخيره Final Elimination و الناس اللي بتفضل في الاخر هي اللي حتدخل الانترفيو مع اللجنه فقط
المرحله الخامسه و الاخير: الانترفيو النهائي مع اللجنه Final Interview
الانترفيو مع اللجنه بيكون مدته حوالي 30 دقيقه كده و طبعا كل واحد بيستنى دوره علشان يدخل الانترفيو و خلال فتره الانتظار بيكون فيه اعضاء من اللجنه بياخدو الاوراق اللي الشركه بعتته للناس لما بعتت ليهم الدعاوي اللي هي الاوراق الخاصه بالفيزا و الهجره اللي احنا طبعناها و مليناها و بيطلبو من الناس الليي فضلت في الاخر ان كل واحد يكتب ايميل و رقم Reference من الشغل الحالي و السابق كمان يعني نكتب رقم و ايميل حد شغال عندك في شغلك الحالي و السابق سواء مدير او اي حد كمرجع للشركه او Reference ليهم بعد كده بيقسمو الناس الى قسمين قسم اللي قدم في ضيافه جويه Arabic Speakers و اللي قدم في Cabin Crew العادي و بالنسبه للناس اللي قدمت في Arabic Speakers كانت الانترفيو على مرحلتين كالاتي :
المرحله الاولى :
اللجنه هنا اول حاجه بيدو للناس ورقه فيها مقال مكتوب باللغه العربيه و بتطلب منهم يقروه كويس و بعد كده اللجنه بتطلب من كل واحد يكتب قطعه و اللجنه تمليه و القطعه فيها حروف و ارقام و ساعات الارقام نكتبها باللغه العربيه الفصحى و ده بالنسبه بس للناس اللي بتقدم في Arabic Speakers اللي هو احنا العرب او اي حد بيتكلم عربي
المرحله التانيه :
بعد كده الانترفيو بيكون عباره عن One to One كل واحد بيدخل و يعمل الانترفيو مع اللجنه اللي بتكون مكونه من شخصين فقط واحد بيكتب و بياخد الملاحظات و التاني بيسال و الاسئله بتكون الاسئله النمطيه المعتاده بس اللجنه هنا بتركز على اسئله الخاصه المتعلقه بشغل كل واحد و انا طبعا جايبلكم الاسئله اللي اتسالت للناس اللي شغاله في الضيافه الجويه Ex Cabin و اسئله الناس العاديه اللي معندهمش خبره في الضيافه و كانت الاسئله على النحو التالي :
1) الاسئله الخاصه للناس تعمل في الضيافه الجويه Ex Cabin Questions
- ايه اصعب رحله من رحلاتك What was the most difficult flight
- اتكلم عن مشكله حصلت مع راكب و حلتها ازاي
Tell us about a problem happened with passenger and how did you solve it
- امتى تفقد اعصابك كطاقم ضيافه جويه
When do you lose your control over your nerves as cabin crew
- لو شوفت حد من الكرو بيعمل حاجه غلط خلال رحله و كان صحبك / صحبتك هتبلغ عنه / عنها و لا لأ
If you saw one of the crew doing something wrong during flight and they were your friend , are you going to make a report against them about that or not
- لو حتسيب شغلك محتاج تقدم استقاله خلال فتره اد ايه
If you leave your work , what is the period you need before resign
2) الاسئله الخاصه بالناس العاديه دون وجود خبره في الضيافه Initial Questions
- بتعرف ايه عن طيران الاتحاد
What do you know about Etihad Airways
- ليه عايز تشتغل في الضيافه الجويه Why do you want to be cabin crew
- ليه اخترت تقدم في الاتحاد Why did you choose Etihad to apply for
- قولنا عن افضل خدمه عملاء ممكن نقدمها للركاب
Tell us about best customer services could be provided for our passengers
- بتعمل ايه دلوقتي و احكيلنا عن شغلك tell us about your work
- قولنا ايه المواقف الصعبه اللي واجهتها في حياتك الخاصه و العمليه
tell us about most hard situations you have faced in your life and work
- الضيافه الجويه يعني ايه بالنسباك What does cabin crew mean for you
- لو خيرناك بين الشغل في الاتحاد كمضيف جوي او الحصول على مليون دولار حتختار ايه
If you had two options whether working as cabin crew in Etihad Airways or earning 1 million dollar , what is your choice
-لو حصلت حاله طوارئ في حياتك و انت شغال في الاتحاد ، حتسيب شغلك ؟
If you had an emergency situation in your life while still working in Etihad , would you leave your work
- شايف نفسك ايه بعد 5 سنين من دلوقتي
How do you see yourself within the next 5 years
- هل الضيافه الجويه اخر طموحات حياتك ؟ Is cabin crew last ever achievement in your life
- عرف النجاح Define Success
- قول حاجه كويسه و سيئه عنك
Tell us something good and bad about yourself
هي دي الاسئله اللي قدرت اجمعها من انترفيوهات سابقه للاتحاد في ابوظبي و طبعا اللجنه ممكن تسالك اسئله تانيه يعني كل واحد يجهز نفسه لكل الاحتمالات و بعد كده اللجنه بتقول للناس انهم حيبعتو ليهم ايميل سواء بالقبول او الرفض و انتهى الانترفيو على كده